Çekdarên Hûsî li herêmên Kedhe û Meqbene yên li rojavayê Teîzê êrîşeke berfireh dane destpêkirin. Armanca êrîşê qutkirina rêya stratejîk a navbera bajarê Teîzê û bendera Mixayê ye .
Hêzên hikûmeta Yemenê bi piştgiriya tîpên "Amalîqa" bertek nîşanî vê êrîşê dan. Firokeyên şer ên hikûmetê bi dehan caran li çeper û wesayîtên leşkerî yên Hûsiyan dan .Çavkaniyên bijîşkî piştrast dikin ku di nav du rojan de hejmara miriyan ji 120 kesî derbas bûye. Di nav qurbaniyan de leşker, çekdar û sivîl hene. Ji ber topbaranê, bi sedan malbat neçar man ku gundên xwe biterikînin.
Ev şerê dawî agirbesta nefermî ya li welat xistiye xetereyê.
