Çavkaniyek herêmî ragihand ku dewriyeke Îsraîlê ji têla veqetandinê ya li herêmê derbas bûye û dema ku sivîl li ser erdên xwe yên çandiniyê li nêzîkî sînor bûn, artêşa Îsraîlê 5 Sûriyeyî girtine.
Çavkaniyê rave kir ku kesên hatine girtin hemû ji niştecihên gundewarên başûrê Quneytrayê ne û di çandinî û şivantiya pez de dixebitin.
Parêzgeha Quneytra û Girê Colanê dikevin başûrê Sûriyê, cihê wê yê staratejîk ji bo Îsraîlê gelekî girîng e, Îsraîlê bi bihaneya ku sînorê xwe diparêze, ew gir kiriye bin kontrola xwe.
Piştî hilweşîna rêjîma berê ya Sûriyê, hêzên Îsraîlê gelek car in dikevin gundewarên Quneytrayê yên li ser sînor û xalên kontrolê yên demkî datînin.