Ajansa Rêvebiriya Rewşa Awarte ya Neteweyî ya Nîjeryayê ragihand ku roja yekşemê, qezayek keştiyê li Eyaleta Sokoto ya bakurê rojavayê Nîjeryayê, çêbû.
Ajansaê, diyar kir ku keştiya zêdetirî 50 rêwî hildigirt û ber bi bazarekê ve diçû.
Heya niha tenê 10 kes hatine rizgarkirin û yên din hîn jî winda ne.
Tîmên rizgarkirinê bi lez hatin cihê bûyerê, da ku li zêdetirî 40 kesên winda bigerin.
Ji ber qerebalixî û lênêrîna nebaş, li rêyên avê yên Nîjeryayê gelek caran Qezayên Keştiyan çêdibin.