Li bajarê Assiutê yê li herêma navîn a Misrê di êrîşeke çekdarî de 8 kes mirin û 5 kes jî birîndar bûn.
Di êrîşa li herêma Abanubê ya li nêzî bajarê Assiutê de, kesek ji wesayitekê gule li sivîlan reşand.
Wezareta Karên Hundir a Misrê ragihandin ku di êrîşê de 8 kes mirin û 5 jî birîndar bûn.
Wezaretê diyar kir ku êrîşkar piştî êrîşê reviya û piştre ji aliyê hêzên ewlekariyê ve hate dorpêçkirin.
Li gorî wê, di navbera hêzên ewlehiyê û êrîşkar de şer derket û tê de êrîşkar hat kuştin.
Rayedaran gotin ku lêpirsîna li ser sedema êrîşê dewam dike.
© 2026 – NÛÇE TV Hemû maf parastî ne. Nûçe Rastî ye