Li gorî medyaya Îranê 3 kesan li dijî navendeke polîsan ya bajarê Serwanî êrîşek çekdarî pêk anîne.
Di encama êrîşê de polîsek û her 3 êrîşkar hatine kuştin û kesekî payebilind jî birîndar bûye.
Heya niha aliyên peywendîdar di derbarê êrîşê de tu agahî parve nekirine.
Di 26’ê Tîrmeha îsal de jî li dijî avahiya Dadgeha Zahîdan a Îranê êrîşek pêk hatibû û di encamê de 6 kes miribûn û 22 kes jî birîndar bibûn.
Wê demê koma çekdar ya bi navê Ceyş El Edl (Artêşa Dad û Wekheviyê) berpirsyartiya êrişê girtibû ser milê xwe.
