Wezîrê Ewlehiyê yê Îranê Ismaîl Xetîb, eşkere kir ku di şerê Îsraîlê yê li ser Îranê ku di 13`ê hezîranê de dest pê kiribû û di 24ê heman mehê de bi dawî hatibû, nêzî 7 milyon report ji welatiyan gihiştibûn ber destê hêzên wan.
Ji aliyê xwe ve jî, Berdevkê Polîsên Îranê Seîd Muntezer El-Mehdî ragihand ku di şerê 12 rojan de, 21 hezar kes ji aliyê hêzên wan ve hatine girtin, her wiha 2 hezar û 774 welatiyên biyanî hatine girtin ku bi awayekî neqanûnî derbasî nav Îranê bibûn.
El-Mehdî ev yek jî anî ziman ku ji destpêka salê û heya niha ve, 102 hezar leşkerên Artêşê û 40 hezar endamên Polîsan li ser rêyan û navçeyên cuda ên Îranê hatine bicihkirin û zêdetirî hezar bendên kontrolê yên nû li ser rêyan hatine danîn.