Li Fîlîpînê, dibistaneke navîn li bajarê Taclobanê yê parêzgeha Leyte hat gulebarankirin. Di encamê de 3 kes hatin kuştin û 5 jî birîndar bûn.
Polîsan got ku piştî gulebarankirina Dibistana Navîn a Giştî ya San Jose, du gumanbar hatin girtin.
Daîreya Polîsan a Bajarê Taclobanê lêkolînê li ser bûyerê dike.
Birîndar ji bo dermankirinê hatin rakirin ji bo navendên bijîşkî yên nêzîk.
Buroya Polîsan a Herêmî ya 8'emîn gelek leşker şandin dibistanê, da ku ewlehiya xwendekar, karmend, û deverên derdorê biparêzin.
Rayedaran ji raya giştî xwest ku agahiyên nepenî belav nekin û digel lêkoleran hevkariyê bikin.
© 2026 – NÛÇE TV Hemû maf parastî ne. Nûçe Rastî ye