Di derbarê van darvekirinan de, agahiyên ku hatin ragihandin, 4 kes Somalî ne û 3 kes jî Etyopî ne, ji ber derbaskirina "xaşxaşê" bi awayekî veşartî û yê 8`an jî welatiyê Siûdiyê bû û ji ber kuştina dayika xwe, ew jî hat darvekirin.
Ev her 8 kes li herêma Necran a Başûrê vî welatî hatin cezakirin.
Rêxistinên mafên mirovan destnîşan kirin ku ev darvekirin, zirarê dide nûjenbûna welêt.
Her wiha ji destpêka 2025`an ve 230 kes li Erebistana Siûdî hatine darvekirin, ji van kesan 154 ji ber tiryakê ev ceza li ser wan hat bicihkirin.
Di 2024`an de 338 kes li Erebistana Siûdiyê hatibûn darvekirin û dibe ku îsal hejmar ji ya sala par zêdetir bibe.