Li Başûrê Sûdanê êrîşa çekdarî: Herî kêm 49 kes hatin kuştin

Hat ragihandin ku êrîşkar kampa Machar-Pakuek a ajalan û gundê Mading Juer Boma hedef girtine.
Rayedarên herêmî ragihandin ku êrîş ji aliyê komeke sûcdaran ve hat kirin.
Li herêmê ji ber keriyên ajalan demeke dirêj e di navbera koman de pevçûn çêdibin.
Sê hefte beriya vê êrîşa dawî jî li heman herêmê 60 kes hatibûn kuştin û 50 kes birîndar bibûn.
Ji ber tundî û pevçûnan gelek mirov neçar man ku malên xwe bihêlin. 
Rayedaran ji ber hewcedariyên mirovî yên ku zêde dibin ji saziyên alîkariyê daxwaza piştgiriyê kirin.
Li gorî Neteweyên Yekbûyî rewşa li Başûrê Sûdanê krîtîk e.
Li welat nêzîkî 10 milyon mirov hewceyî alîkariya mirovî ne.
Zêdetirî 7 milyon kes jî bi pirsgirêka girîng a xwarinê re rû bi rû ne.