Roja înê, di roja yekem a vebûna dibistanan de, êrîşeke hov li Dibistana Amadeyî ya Brinell a li bajarokê Fagersta qewimî. Ciwanekî 18 salî ku kask li serê xwe kiribû û şûr di dest de bû, êrîşî xwendekaran kir.
Hêzên ewlehiyê yên Swêdê piştî agahdarkirinê yekser gihîştin cîhê bûyerê. Polîsan gule berdan êrîşkar, ew birîndar kirin û piştre ew binçav kirin. Li gorî daxuyaniya rayedarên tenduristiyê, di vê êrîşê de kesekî jiyana xwe ji dest da, du xortên temenbiçûk bi giranî birîndar bûn û kesê sêyemîn jî piştî dermankirinê ji nexweşxaneyê hat derxistin.
Li gorî nûçeyên medyaya herêmî, gumanbar xwendekarekî berê yê dibistanê ye û di warê tawanên tundûtûjiyê de xwedî qeydên berê ye.
Serokwezîrê Swêdê Ulf Kristersson û Qral Carl XVI Gustaf hevxemiya xwe ji bo malbatên qurbaniyan nîşan dan û daxuyandin ku welat di nava xemgîniyeke mezin de ye. Lêpirsîna polîsan a li ser sedem û motîvên vê êrîşê berdewam dike.
