Li Amedê konferansa ziman bi dawî bû

Di konferansê de hejmarek biryar hatin girtin, di nav wan de: 

"Divê hemû nameyên navxweyî yên rêxistinî bi zimanê Kurdî werin kirin; divê sazî ji budçeyên xwe beşek taybetî ji bo xebatên ziman veqetînin; û

 divê navên saziyan, kolanan, rêyan, parkan û hwd. werin wergerandin bo zimanê Kurdî."

Konferansa ku saziyên Zimanê Kurdî bi dirûşma ‘Ji statuyê heta perwerdeyê, ji bo muzakereyê çarçoveyeke nû’ li Çand Amedê ya li navçeya Yenîşehîr a Amedê hat lidarxistin.

 Di bernameyê de gelek endam û rêveberên partiyên siyasî, bi sedan nûnerên saziyên sivîl ên civakî û endam û rêveberên saziyên ziman ên ji bajarên Bakurê Kurdistanê û Tirkiyê hatine, tev li konferansê bûn.

Li konferansê pankartên bi zaravayên Kurmancî, Kirmanckî û Soranî yên Kurdî ya ‘Hezkirina ziman hezkirina welat e, hezkirina welat hezkirina xwebûnê ye’ hatin daliqandin.