Zanîngeha Silêmaniyê bi çandina 600 daran û mezintirîn hevoka çandina daran, şanazîyek mezin û dîrokî di parastina jîngehê de tomar kir û ket Pirtûka Rekorên Gînssê.
Ev gav ji aliyê Serokatiya Zanîngehê, Waliyê Silêmaniyê û Wezareta Xwendina Bilind ve wekî gaveke girîng ji bo navneteweyîkirina Zanîngeha Silêmaniyê hate nirxandin.
Navê zanîngeha Silêmaniyê ket pirtûka Rekorên Guinness
Profesor Diktor Kosar Mihemed Elî, Serokê Zanîngeha Silêmaniyê Îro di merasîma ketina Zanîngeha Silêmaniyê di nava Pirtûka Rekorên Gînssê de, got ku ji bo Zanîngeha Silêmaniyê di rêzbendiya cîhanê de pêşketinek girîng e.
Di merasîmê de, Diktor Aram Mihemed Qadir, Wezîrê Xwendina Bilind û Lêkolînên Zanistî, ya Herêma Kurdistanê rektor û karmendên wî pîroz kir.
Her wiha wî got ku hemû baxçevanên ku li Zanîngeha Silêmaniyê dixebitin, wezaret dê wan ji hêla madî û manewî ve xelat bike.
Di merasîmê de, Heval Ebûbekir, waliyê Silêmaniyê jî peyam dan û got ku navê Silêmaniyê ji cîhanê re hate vekirin û ev serkeftina me hemûyan e.
Ev serkeftina mezin dê bandorek erênî ya mezin li ser navûdeng û cihê Zanîngeha Silêmaniyê bike û dê bibe sedema gelek encamên girîng.
Ji bo cara yekem, navê zanîngehê dê li ser asta navneteweyî deng vede û bi navgîniya xwe di Pirtûka Rekorên Cîhanê ya Gînssê de, dê bala navendên akademîk û medyaya cîhanê jî bikişîne.
Her wiha ev xebata jîngehê nîşana girîngiya bilind a zanîngehê ye ji bo keskbûn û parastina jîngehê.
Ku ev yek şertek pêşîn e ji bo bilindkirina rêza zanîngehê di rêzbendiya Cîhanî ya zanîngehan de.
Ew ji bo pêkanîna projeyên afirînertir cesaret û baweriyê dide mamoste û xwendekaran û hesta parastina xwezayê di civakê de xurt dike.
Zanîngeha Silêmaniyê jibilî wê yekê ku nevê wê kertya di Pertûka Gînssê de, xwediya çendîn destkeftên diye li ser asta navxwe û derveyî.
Zanîngeha Silêmaniyê di sala 1968an de hatiye avakirin.
