Li Rojhilata Navîn aloziya leşkerî ya di navbera Îran û Dewletên Yekbûyî yên Amerîkayê (DYA) de ji nû ve teqiya. Di vê çarçoveyê de, Wezîrê Parastina Îsraîlê Yisrael Katz daxuyaniyên girîng dan û destnîşan kir ku welatê wî li dijî her gefeke Tehranê di asta herî bilind de amade ye.
Katz diyar kir ku Tel Avîv xwe ji bo êrîşeke gengaz a Îranê ya di dema cejnên cihûyan de amade dike û wiha got: "Heke êrîşî me bikin, em ê bi hêzeke mezin û bi awayekî serbixwe ji her aliyekî din bersiv bidin."
Katz her wiha bal kişand ser aboriya nukleerî ya Îranê û îdia kir ku Îsraîlê di operasyona "Şêrê Hilbûyî" de bernameya nukleerî ya Îranê rûxandiye û ew ê tu carî nehêlin Tehran bibe xwedî çeka nukleerî.
Ev daxuyanî piştî rûbirûbûna rasterast a nû ya di navbera Washington û Tehranê de hatin. Hêzên Amerîkayê nêzî 100 navendên Sûpaya Pasdarên Îranê yên wekî pergalên parastina ezmanî, radar û binesaziya deryayî kirin hedef. Ji aliyê xwe ve, Wezîrê xezîneya Amerîkayê Scott Bessent soz da ku dê dorpêça aborî ya li ser Tehranê hîn tundtir bike.
Li dijî van êrîşan, Îranê bi dron û mûşekan bersiv da ku piraniya wan li ser asmanên Kuweyt, Behreyn, Urdun û Îraqê hatin astengkirin. Li gorî çavkaniyan, lihevkirina nepenî ya meha Hezîranê ya di navbera DYA û Îranê de ji ber nakokiyên li ser kontrolkirina Tengava Hurmûzê bi tevahî hilweşiya û herêm ber bi şerekî berfireh ve diçe.
