Li gorî agahiyên dawî, xebatên ji bo vekirina Deriyê Sînorî yê Nisêbîn û Qamişlo ketine qonaxeke nû û xebatên avakirinê bi fermî hatine destpêkirin. Serokê Desteya Giştî ya Derî û Gumrikê ya Sûriyeyê, Quteybe Bedewî, ragihand ku ev derî dê bibe deriyê heftemîn ê bejahî di navbera Sûriye û Tirkiyeyê de.
Armanca sereke ya vê projeyê nûjenkirina deriyên sînorî, hêsankirina çûnûhatina rêwiyan û kêmkirina dema li bendêmayînê ya li ser sînorên her du welatan e.
Ev deriyê sînorî piştî destpêkirina şerê navxweyî yê Sûriyeyê di sala 2011'an de hatibû girtin û nêzî 14 salan e girtî maye. Bi vekirina wî re, tê çaverêkirin ku tevgera bazirganiyê û çûnûhatina di navbera her du aliyên sînor de gelekî hêsantir bibe û aboriya herêmê geş bibe.
