Hejmara mirinan ji ber Vîrûsa Ebolayê li Komara Demokratîk a Kongoyê bi berdewamî zêde dibe.
Li gorî daneyên dawî yên ku Wezareta Tenduristiyê ya Cîhanê duh êvarê weşandine, ji 867 kesên ku li Kongoyê bi vîrûsê ketine 204 kes mirine.
Rêxistina Tendurustiyê ya Cîhanê dibêje ku hejmara kesên ku bi vîrûsê ketine zêdetir dibe, ji ber ku Vîrûsa Ebolayê li Kongoyê bi hefteyan, bê sekin belav bûye.
Ji ber kesên ku pê ketine cihê eleqedar agahdar nekirine, rêxistinê zêde kir ku wan lêpirsîn li ser vê mijarê daye destpêkirin.
Ji aliyekî din ve, Serokê Navendên Kontrol û Pêşîgirtina Nexweşiyan ên Afrîkayê Jean Kasiya, di civîneke çapemeniyê de got ku 10 welat ji ber belavbûna Vîrûsa Ebolayê di bin gefê de ne.
Xaça Sor: 3 xwebexşên Xaça Sor ji ber vîrûsa Ebolayê mirin
Her wiha Xaça Sor a Navneteweyî ya li Swîsreyê jî ragihand ku 3 xwebexşên Xaça Sor di 27ê adarê de li parêzgeha Ituri ya Kongoyê, piştî ku bi cenazeyan re ketine têkiliyê, guman heye ku bi nexweşiyê vegirtî ne.
Rêxistina Tenduristiyê ya Cîhanê di 17ê gulanê de ji ber belavbûna Ebolayê rewşek awarte ya tenduristiya giştî ya navneteweyî, ragihand.
Ji bo vîrûsa Ebolayê derman tune ne
Vîrûsa Ebolayê nexweşiyeke vegir e, ku dibe sedema tayê û jiyanê tehdît dike.
Kontrolkirina belavbûna niha pir dijwar e, ji ber ku ji bo cureya kêm a Bundibugyo, vakslêdan an dermankirineke taybet tune ye.
Rêxistina Tenduristiyê ya Cîhanê diyar kir ku xetera kesên ku wê bi vîrûsê bikevin li Kongoyê pir zêde ye û li seranserê cîhanê jî kêm e.
Berevajî vîrûsa Koronayê, Ebola bi têkiliya rasterast bi şilava laşê kesên nexweş re belav dibe, ne di rêya hewayê re.
