Artêşa Îsraîlê êvara Pêncşemê ragihand ku wan li dijî binesaziya Dewleta Îranê pêleke berfireh a êrîşan daye destpêkirin.
Li deverên cuda yên paytexta Îranê, di nav de Velencek, Qeyteriye, Tehran-Pars û Meydan Hur, dengê teqînan hatiye bihîstin.
Li gorî raporan, welatiyên li bajarên cuda yên Îranê, di nav de Tehran, Kerec, Şîraz, Mahşehr, Feredîs Kerec û Ehwaz jî dengê teqînan bihîstine.
Zulfeqarî: Em ê petrol û gaza li herêmê bişewitînin
Li aliyekî din, Berdevkê baregeha Xatim El-Enbiya ya Supaya Pasdaran Îbrahîm Zulfeqarî, gef li Îsraîl, Amerîka û welatên herêmê xwar ku ew ê binesaziya enerjiyê armanc bikin.
Îbrahîm Zulfeqarî wiha axivî :
"Eger li ser binesaziya enerjiyê û benderên Îranê êrîşeke biçûk were kirin,
Em ê petrol û gaza li herêmê bişewitînin.
Êrîşa herî biçûk a li ser binesaziya enerjiyê û benderên Dewleta Îranê, dê bibe sedema bersiveke me ya tund û wêranker."
