Îranê, duh, rsêşemê piştrast kir ku Elî Larîcanî, Sekreterê Konseya Bilind a Ewlekariya Neteweyî, di temenê 67 saliya xwe de, di êrîşeke asmanî ya Amerîka û Îsraîlê de li ser Tehranê, hatiye kuştin
Konseya Bilind a Ewlekariya Neteweyî mirina wî piştrast kir û got ku kurê Larîcanî û cîgirê wî, Elî Riza Bayat, di êrîşa Îsraîlê ya êvara duşemê de jî hatine kuştin.
Larîcanî, şêwirmendê payebilind ê Rêberê Bilind ê berê Ayetullah Elî Xameneyî bû û yek ji kesayetiyên herî bi bandor ên Komara Îslamî bû.
Larîcanî di sala 1958'an de li Necef-Iraqê ji dayik bûye.
Ew birayê Ayetullah Sadiq Amoli Larîcanî bû, serokê Encumena Tesbîtkirina Berjewendiyên Rejîmê, dezgeha ku di nakokiyên di navbera parlamentoya Îranê û Encumena Parêzvanan de navbeynkariyê dike.
Elî Larîcanî 10 salan serokê Saziya Weşanê ya Îranê bû, berî ku di sala 2004'an de Istîfa bike, da ku bibe şêwirmendê ewlehiyê yê Xameneyî.
Larîcanî endamekî berê yê Pasdarên Şoreşa Îranê bû û di sala 2005'an de ji bo serokatiyê berbijêr bû.
Ew di rêzeyeke nizmtir de bû ji çend namzedên din, di nav de Mehmûd Ehmedînejad, ku di dawiyê de bi ser ket.
Di sala 2005'an de, Larîcanî wekî Sekreterê Konseya Bilind a Ewlekariya Neteweyî, ku saziya ewlehiyê ya herî bilind a Îranê ye, hate tayînkirin.
Ew di şêwiriya dosyeya nukleerî de jî xwedî rol bû, lê ji ber nerazîbûna wî li ser mercên yekîtiya ewrupayê, wî di sala 2007'an de istîfa kir.
Herî dawî, di sala 2020'an de, Xameneyî Larîcanî wek şêwirmendê xwe yê siyasî û endamê Encumena Tesbîtkirina Berjewendiyan tayîn kir.
Piştî destpêkirina êrîşên Amerîka û Îsraîlê di 28'ê Sibatê de, Larîcanî yek ji wan kesayetên payebilind ên Îranî bû ku li ser pêşketinan şîrove kir, Dewletên Yekbûyî û Îsraîl bi hewldana hilweşandin û talankirina Îranê tawanbar kir.
Armancgirtina wî di 16'ê adarê de, zêdetirî sê hefte piştî destpêkirina şerê Amerîka-Îsraîlê li dijî Îranê, pêk hat.
