Karbidestekî payebilind ê Îranî îdîa kir ku Ûkrayna ji ber piştgiriya Îsraîlê di şerê berdewam de bûye armanceke rewa ji bo Îranê.
Ev daxuyanî bilindbûneke nû di gefa Îranê de, temsîl dike, û îhtîmala belavbûna pevçûnê li derveyî Rojhilata Navîn nîşan dide.
Serokê Komîteya Ewlehiya Neteweyî û Siyaseta Derve ya Parlamentoya Îranê, Îbrahîm Ezîzî, Kîev bi alîkariya Îsraîlê, bi taybetî bi rêya dronan, tawanbar kir.
Di posteke li ser platforma X’ê de, wî îdia kir ku Ûkrayna bi dayîna alîkariya teknolojîk ji rejîma Îsraîlê re tevlî şer bûye û got: "Ev beşdarbûn hemû axa Ûkraynayê dike armanca rewa ji bo Îranê."
Di çend salên borî de, Ûkraynayê di bêbandorkirina dronên Îranî yên ku ji hêla Moskovayê, hevalbendê Tehranê ve têne bikar anîn de, ezmûn bi dest xistiye.
Rûsyayê ev dron di operasyonên xwe yên leşkerî yên li dijî Ukraynayê de, bi berfirehî bikar aniye. Tehranê, tevî gelek tohmet û delîlên Rojavayî, bi berdewamî red kiriye ku çekan dide Rûsyayê.
Di heman demê de, li gorî çend çavkaniyên Amerîkî, Moskova di şerê heyî de piştgiriyê dide Îranê.
