Wezaretê ragihand ku Amerîka û Îsraîlê gelek binesaziyên parastinê û navendên sivîl ên li bajarên cuda yên Îranê kirine armanc.
Her wiha diyar kir ku ew êrîş di demekê de hatine kirin ku Îran û Amerîka di nava danûstandinan de bûn.
Wezareta Karên Derve ya Îranê destnîşan kir ku ew niha "mijûlî parastina welêt û rûbirûbûna êrîşên leşkerî yên dijmin" in û wiha pê de çû:
"Çawa ku em ji bo danûstandinan amade bûn, em ji bo parastinê jî ji her demê amadetir in.
Hêzên çekdar ên Komara Îslamî dê bi heybet bersiva êrîşan bidin.
Di heman demê de, Wezareta Karên Derve ya Îranê bang li Neteweyên Yekbûyî û Konseya Ewlehiyê kir ku destwerdana bilez bikin.
Her wiha bangî Sekreterê Giştî yê Neteweyên Yekbûyî û Serokê Konseya Ewlehiyê kir ku erkên xwe bi cih bînin.
