HSD’ê şehadeta 3 hevrêyên xwe ragihand, di derbarê wan de daxuyaniyeke nivîskî weşand, sersaxî ji malbatên şehîdan re xwest û soza tolhildanê da.
Hêzên Sûriya Demokratîk (HSD) daxuyakirin ku dema her sê şervan bi erk û misyona xwe ya parstina herêmê û tekoşîna li dijî şaneyên DAÎŞ’ê pêk dianîn, di rewşên cûda de jiyana xwe ji dest dan.
HSD bal kişand ser dilsoziya hevrêyên xwe û wiha got: ‘Berdêl çi dibe jî tiştek wan ji pêkanîna erkên wan yên niştîmanî venagerîne.’
Hêzên Sûriya Demokratîk wiha daxuyaniya xwe bi dawî kir: ‘Bila serê tevahî malbatên şehîdan sax be. Em ê tola xwîna şehîdên xwe ji kujer û xwînfiroşan hilînin.’
Dîlber Ehmed Hecî
