Hikûmeta Iraqê, wê îro bi serokatiya serokwezîrê Îraqê Mihemed Şiya Sudanî re bicive. Tê gotin ku mijara mûçeyê karmendên Herêma Kurdistanê dê di rojeva civînê de bê nîqaşkirin.
Li gorî agahiyan piştî civîna Hikûmeta Iraqê bi Sudanî re, wê wezîrên Kurd ên li Bexdayê, cûda cûda bi serokwezîrê Îraqê re kom bibin.
Tê gotin rojeva sereke ya van kombûnan jî mûçeyê karmendên Herêma Kurdistanê ye.
Li aliyekî din jî Wezareta Darayî ya hikûmeta Herêma Kurdistanê ragihand ku wan 120 milyar dînar ji dahatên navxweyî radestî hikûmeta Iraqê kiriye.
Ev 81 roj in karmendên Herêma Kurdistanê muçeyên xwe wernegirtine.
© 2026 – NÛÇE TV Hemû maf parastî ne. Nûçe Rastî ye