Yekîneyên parastina asmanî yên Rûsyayê, di 24 saetên dawî de heft mûşekên HIMARS û 25 dronên Ûkraynayê li ser çend herêman xistine xwarê.
Di daxuyaniyekê de, Wezareta Parastnê ya Rûsyayê got: "Di şeva borî de pergala parastina hewayî 25 dronên Ûkraynayê asteng kirin, ku 22 ji wan li ser Herêma Rostov û sê jî li ser Herêma Stavropolê hatin xistin.
Wezareta Parastinê bal kişand ser vê yekê jî ku hêzên Rûsyayê, di çarçoveya operasyoneke leşkerî ya taybet de, bajarokê Lunacharskoye yê li Donetskê kontrol kirine.