Li Bakurê Kurdistan û Tirkiyê ev demeke dirêj ku banga Aştî û Civaka Demokratîk di rojevê de ye.
Rayedarên Tirkiyê û Parlamenterên DEM Partiyê her kes ji aliyê xwe ve daxuyaniyên cuda didin.
Têkildarî mijarê Serokwekîla Koma Partiya Wekhevî û Demokrasiyê ya Gelan (DEM Partiyê) Gulistan Kiliç Koçyîgît li Meclîsa Tirkiyê axivî.
Serokwekîla Koma DEM Partiya Demokrasî bang li Meclîsa Tirkiyê kir ku berpirsiyariyên xwe bi cih bîne.
"Ji bo pêşveçûna pêvajoyê divê Meclîs berpirsyariya xwe bi cih bîne.
Ji Meclîsê, saziyên siyasî û desthilat ji bo pêşvebirina pêvajoyê divê di nava hewldanan de bin.
Erdogan: Saziyên me ji bo tasfiyeya ‘rêxistinê’ dixebitin
Serokkomarê Tirkiyê Tayîp Erdogan pêvajoya Aştî û Civaka Demokratîk weke “Tirkiyeya bê teror” bi nav kir û got:
“Em ê Tirkiyeke aram bikin û xwîşk û biratiya bi hev re ava bikin.
Em ji bo tîfaqa xwe li ser rêyên nû dan û standinan dikin.
Tirkiyê, ji bo vê pirsgirêke ku tenê lêçûna wê ya aborî zêdetirî 2 trîlyon dolar e çareser bike, xwedî îrade û tecrûbe ye.”
Nûrsel Aydogan: Pêvajo bi gavên şênber dê çareser bibe
Parlamentera berê ya Partiya Demokratîk a Gelan (HDP) Nûrsel Aydogan jî destnîşan kir ku ji bo pêvajo veguhere çareseriyeke rasteqîn pêdivî bi gavên şênber heye û ev bang kir:
"Eger desthilatdarî dixwaze bibe cihê baweriyê divê wê demê gavên cihê baweriyê biavêje. Ev jî bi yekbûna gotin û pratîkê dibe.
Ji ber vê yekê jî di çarçoveya 'Koordînatoriya Pêvajoya Siyasîbûnê û Aştiyê' ya ku Bahçelî ji bo statuya Birêz Ocalan pêşniyar kir, divê statuya 'Koordînatoriya Siyasîbûn û Aştiyê' ya Birêz Ocalan qanûnî bibe.
Weke ku ji tecrûbeyên cîhanê tê fêhmkirin, piştî ku ev pêk hat wê pêvajo hîn bi lez bi pêş ve biçe."
