Li gorî daneyên Saziya Navdewletî ya Enerjiyê, di sala 2025an de rojane 14,95 mîlyon bermîl nefta xav di Tengava Hurmuzê re dihat hinartin.
Piştî şer û aloziyên dawî, pisporên sektorê diyar dikin ku di pêşerojê de mirov dikare rojane nêzîkî 11,5 mîlyon bermîl neft ber bi xetên boriyan yên alternatîf ve beralî bike da ku aboriya herêmê zirarê nebîne.
Di vê çarçoveyê de, Erebistana Siûdî pêngaveke mezin avêt û kompanyaya Aramco şiyana xeta xwe ya Rojhilat-Rojava, ku neftê digihîne bendera Yanbu ya li ser Deryaya Sor, gihand 7 mîlyon bermîlan.
Rêveberiya Riyadê her wiha plan dike ku şiyana vê xetê 2 mîlyon bermîlên din jî berfireh bike û ev proje li gora pêşbîniyan heta sala 2030-2031'an bi dawî bibe.
Ji aliyê xwe ve, Mîrgehên Yekbûyî yên Erebî ku niha xeta xwe ya heyî ya ber bi bendera Fujairah ve bi kar tîne, dest bi çêkirina xeteke duyem a hevpar kiriye.
Ev projeya nû sala bê dikeve meriyetê, wê şiyana hinartina neftê ya welat ducar bike.
Li aliyê din, Dewletên Yekbûyî yên Amerîkayê çavdêriya hewldanên koalîsyoneke navdewletî dike da ku xeta boriyê ya sereke ya ku zeviyên nefta Iraqê bi peravên Sûriyê ve li ser Deryaya Navîn girêdide, ji nû ve bide xebatê.
Tê payîn ku şiyana vê xetê ya destpêkê, dê rojane bibe 2 mîlyon bermîl be, her çend astengiyên siyasî û darayî wekî metrsî li pêşiya projeyê rawestiyane.
Her weha, welatên mîna Kuweyt û Behreyn ku xetên wan ên alternatîf nînin, dest bi danûstandinan kirine da ku torên xwe bi xetên Erebistana Siûdî ve girêbidin.
