Wezareta Xezîneyê ya Amerîkayê, îro cezayên aborî li 7 fermandarên komên Heşdî Şabî yên li Îraqê birî.
Wezaretê ragihand ku ev kes berpirsên plankirin û pêkanîna êrîşan li dijî berjewendiyên DYA’yê ne.
Ofîsa Kontrolkirina Mal û Milkên Biyanî, bi daxuyaniyekê diyar kir ku fermandarên ceza li wan hatiye birîn, girêdayî komên Hizbullah, Tevgera Nûceba, Esayîb Ehil El Heq û Tabûra Seyîd El Şuheda ne û wekî komên herî tundrew bi nav kirin.
Di daxuyaniyê de, hat diyarkirin ku komên navborî li gorî biryara 13 hezar û 224'an wekî "terorîstên cîhanê" hatine destnîşankirin.
Her wiha ji Hikûmeta Îraqê xwest ku gavên cidî biavêje da ku xaka Îraqê nebe bingeha çalakiyên têkbirina istiqrara herêmê.
