DEM Parti amadekariyên xwe yên ji bo 5emîn Kongreya Mezin a Asayî ku wê di 20ê Îlonê de li Enqerê pêk bê, didomîne.
Di vê çarçoveyê de dê beriya Kongreya Mezin ya DEM Partiyê Meclîsa Jinan ew ê li Enqerê Konferansa Navendî ya Jinan li dar bixin.
Berdevka Meclisa Jinan a DEM Partiyê Halîde Turkoglu li navenda giştî ya partiyê xwe daxuyanî da.
Halîde Turkoglu da zanîn ku di 20-21ê Tebaxê de jî ew ê li Enqerê Konferansa Navendî ya Jinan li dar bixin û beriya kongreya DEM Partiyê ew ê bi jinan re civînên taybet pêk bînin.
Jin dê li ber parlementoyê daxuyaniyekê bidin
Halîde Turkoglu bi bîr xist ku 11 Tîrmehê salvegera şewitandina çekan e û dê jin 11 Tirmehê li ber parlementoyê bên gel hev û daxuyaniyekê bidin.
Berdevka Meclisa Jinan dibêje: “Divê meclis guh bide daxwazên jinan û li gor wê gavên pêwîst biaveje.”
Her wiha DEM Parti armanc dike ku berî kongreya ku wê di 20ê Îlonê de li Enqerê pêk bê, bi rêya konferansa jinan, konferansa navendî û hevdîtinên tematîk nexşeya rê ya serdema nû diyar bike.
