Keştiyeke penaberan ku ji Cîbûtî ber bi Yemenê ve diçû, binav bû û di encamê de heta niha 109 kes mirine.
Rêxistina Navdewletî ya Penaberiyê îro ragihand, di bûyerê de heta niha, di nav de 15 zarok, 109 kes mirine û 116 kes jî winda ne.
Rêxistinê diyar kir, keştiyê nêzî 350 kes hildigirtin û şeva 8-9'ê cotmehê li nêzî bajarekî beravî yê Cîbûtiyê binav bûye.
Li gorî rapora rêxistinê, 80 penaberên keştiyê hatin rizgarkirin û hemû jî welatiyên Etyopyayê ne.
Hikumeta Etyopyayê heta niha der barê bûyerê de ti daxuyanî nedaye.
© 2026 – NÛÇE TV Hemû maf parastî ne. Nûçe Rastî ye