Amerîkayê cezayên nû li ser 60 kes, sazî û keştiyên girêdayî Tehranê ferz kirin daku aboriya Îranê lawaz bike. Piştî vê gavê, Çînê ku wekî şerîna jiyanê ya darayî ya herî girîng a Îranê tê dîtin û % 90 nefta wê dikire, helwesta xwe diyar kir.
Berdevkê Wezareta Derve ya Çînê Lîn Ciyan, di daxuyaniya xwe ya çapemeniyê de got: "Çîn geşedanan ji nêz ve dişopîne û ji bo parastina maf û berjewendiyên xwe yên rewa, dê hemû tedbîrên pêwîst bigire".
Şirovekar radigihînin ku her çend Wezareta Xezîneyê ya Amerîkayê ceza li ser hin parzûngehên Çînî yên ne hikûmî ferz kiribe jî, rûniştina Qesra Spî heta niha xwe ji gavên tundtir (mîna cezakirina bankên mezin ên Çînê) dûr xistiye daku beriya lûtkeya Serokê Çînê Şî Cîn pîng û Serokê Amerîkayê Donald Trump a li Waşîngtonê aloziyê mezin neke. Pekîn her dem siyaseta cezayan red dike û bang li aliyan dike ku rêyên berpirsyarane hilbizêrin.
