Krîza derengketin fatoreyên genim û dabeşkirina pereyan li ser beşan a li parêzgeha Hesekê, ku nêzîkî du mehan e barê cotkaran girîn kiriye, îro ket qonaxeke nû ya çareseriyê. Cîgirê Parêzgarê Hesekê Ehmed Elhîlalî îro rasterast bi cotkar û nûnerên wan re civiya.
Cotkaran di civînê de anîn ziman ku dabeşkirina pereyan li ser beşan û derengketina mûçeyên wan, rê li ber amadekariyên werza nû ya çandiniyê girtiye, ji ber ku ew niha hewcedarê drav in daku da ku pêdiviyên sala çandniyê ya nû peyda bikin.
Derbarê encamên civînê û hewlên parêzgehê de, Endamê Ofîsa Cîbicîkar ê Parêzgeha Hesekê Xalid Ibrahîm daxuyaniyeke da. Ibrahîm destnîşan kir ku nîqaş û hevdîtinên wan ên astbilind ji bo çareserkirina vê pirsgirêka drav û siyûleyê berdewam dikin.
Xalid Ibrahîm destnîşan kir ku hinek sozên fermî hatine dayîn ku di nava vê mehê de pirsgirêk bi yekcarî were çareserkirin û hemû fatoreyên derengketî yên cotkaran bi tamî werin serfkirin.
Tê çaverêkirin ku ev biryar zexteke mezin ji ser milê cotkarên herêmê rake û pêvajoya çandiniya werza nû hêsan bike.
