Maça di navbera taxima Bayern Munich û Stuttgart şahidê kelecaneke mezin kir.
Taxima mêvan bi gola Chris Fehrich di deqeya 21'an de pêş ketin.
Lê taxima malê berî dawiya nîvê yekem bi sê golên bilez bersiv da.
Di xuleka 31'emîn de, ji hêla Raphael Guerrero gola yekem hat avêtin.
Piştre bi 2 xulekan, Nicolas Jackson gola 2'emîn qezenc kir.
Di heman demê de, Alphonso Davies gola 3'emîn a taxima xwe tomar kir.
Di nîvê duyemîn de, Harry Kane di xuleka 52'an de gola 4'emîn anî û serkeftin misoger kir.
Stuttgart jî, bi gola duyemîn a Chema Andres di xuleka 88'an de cudahî kêm kir, lê di encamê de Bayren Munich bi ser ket.
Bayren Munich, 4 tûrên beriya bidawîbûna pêşbirkê, şampiyonî misoger kir.
Di nav alîgirên xwe de li stadyuma "Allianz Arena" hatin pîrozkirin, ji ber ku ji bo ku bi fermî bibin şampiyon, tenê xalek lazim bû.
Tîma rahêner Vincent Kompany bi vê yekê hejmara puanên xwe gihand 79'an û çar dorên mayî 15 puan li pêşiya Borussia Dortmund a rêza duyemîn in.
Berevajî vê, Stuttgart di rêza çaremîn de bi 56 puanan sekiniye.
Ev yek jî cihê wan di qada kalîfîkasyonê ya Lîga Şampiyonan de dixe xeteriyê.
Her wiha Hoffenheim bi 54 puanan di rêza 5'emîn de ye û Leverkusen bi 52 puanan jî di rêza 6'emîn de ye.
