Tevî ragihandina agirbesta di navbera Amerîka û Îranê de, êrîşên li ser Başûrê Kurdistanê dewam dikin. Îro dîsa êrîş li ser bargehên Komeleya Zehmetkêşên Kurdistanê hat kirin.
Endamekî rêveberiya Komeleya Zehmetkêşên Kurdistanê, ragihand ku Îranê bi mûşekan êrîşî baregeheke wan a li parêzgeha Hewlêrê kiriye.
Li gorî agahiyan, îro danê nîvro baregehên Komeleya Zehmetkêşên Kurdistanê yên li Dola Alanê ya Hewlêrê, ji aliyê Îranê ve hatiye bombebarankirin.
Di êrîşa ku bi 3 mûşekan hatiye kirin de, ti ziyanên canî çênebûne.
Ji 28`ê Sibatê ve û heta îro, 76 caran bi mûşek û dronan êrîşî baregehên Komeleya Zehmetkêşên Kurdistanê yên li Başûrê Kurdistanê hatiye kirin.
© 2026 – NÛÇE TV Hemû maf parastî ne. Nûçe Rastî ye