Serokê Giştî yê MHP’ê Devlet Bahçelî ji bo Cejna Qurbanê peyameke nivîskî weşand. Di peyama xwe de, Bahçelî bal kişand ser pêvajoya ku Rêberê Gelê Kurd Abdullah Ocalan daye destpêkirin û destnîşan kir ku rêyeke din ya wan nîne û banga xwedî derketina li pêvajoyê kir.
Serokê Giştî yê MHP'ê Devlet Bahçelî bi wesîleya Cejna Qurbanê daxuyaniyek weşand û li ser pêvajoyê peyam da. Bahçelî da xuyakirin ku Dê Rêveberiya mîlet bi pîvan û li ser esasê damezrîner yê komarê tevbigere û got: “Divê ev firsenda zêrîn ji dest neyê revandin. Di vê çarçoveyê de berpirsyariyeke dîrokî dikeve ser milê me hemûyan û her kesî. Divê cih ji qezayên usûl û ziman re neyê dayin, bi rengekî eşkere dûrî ji rojevên veşartî û ferzkirinê, divê em xwedî li welatê xwe derkevin.”
Bahçelî: Em ji têkoşîna xwe tavîz nadin
Bahçelî diyar kir ku piştî çek û armancên wê ji navberê vekişiya wê hêza bêhempa ya sedsala nû Tirkiye be û got: "Li gel propagandayên reşkirinê, nûçeyên derewîn, îdîayên bêbingeh, îftira û sûcdariyên neheq em ti carî tawîzê ji têkoşîna xwe nadin, em ê nedin.”
Bahçelî da diyarkirin ku ew ê hiqûqa xwe ya xwişk û biratiyê ya hezar salî bi wêrekî biparêzin.
Di berdewamiya daxûyaniya xwe de, Bahçelî got ku rêyekê din ya wan nîne ku li hember van komployên li hember xwişk û biratiyê, li hember êrîşên li ser hebûna welat û mîlet, li hemberî xweranegirtina li pêşeroja Tirkiye ye.
Bahçelî cejna qurbanê li hemû gelan pîroz kir û got: “Bersiva herî bihêz û mayînde ya ji bo cudakarî û lêgerînên perçekirinê di manewiyata cejnê de ye.”
Demhat Îsmaîl