Ev du roj in artîşa Îsraîlê êrîşên xwe li ser başûrê Libnanê berdewam dikin.
Li gorî agahiyan, topxaneya Îsraîlê bajarokên Mîfdûn,Tolîn, Mensûrî û Wadî Selûqî û her wiha herêma di navbera Beyt Yahûn û Beraşîtê de hedef girt.
Her wiha hat belavkirin ku hêzên Îsraîlê bombeyên fosforê avêtin derdora bilindahiyên Elî Taher.
Di heman demê de, êrîş li ser bajarokê Kefrman, Nebetiya jorîn û her wiha li ser bilindahiyên Elî Teahr jî pêk hat.
Ev cara yeke ku piştî peymana çarçoveyî ya di navbea Îsraîl û Libnanê de, artêşa Îsraîlê êrîşeke berfireh li ser Libnanê pêk tîne.
Peymana Çarçoveyî ku wekî çarçoveya Sêalî jî tê zanîn, peymaneke ku di navbera Libnan û Îsraîlê de li Washington, di 26`ê hezîrana 2026`an de, di bin çavdêriya Dewletên Yekbûyî yên Amerîkayê de hatiye îmzekirin.
Hin bendên vê peymanê, pêçekirina Hezbullahê û vekişîna qonax bi qonax a hêzên Îsraîlê ji baûşrê Libnanê ye.
Lê heta neha jî bendên vê peymanê pêk nehatine.
Ewn: Em pabendî hiştina çekan tenê di destê dewletê de ne
Di vê çarçoveyê de, îro Serokê Libnanê Jozêf Ewn jî axivî.
Jozêf Ewn got ku ew ê pabendbin ku çek tenê di destê dewletê de be û hemû axa Libnanê di bin serweriya hikûmeta Libnanê de be.
Beriya neha jî, Skirtêrê giştî yê Hezbullahê Neîm Qasim banga hilweşîna peymana çarçoveyî kiribû û tekez kiribû ku ew ê dev ji çekên xwe bernedin.
