Amedsporê li ser rexneyan alîgirên xwe civîneke çapemeniyê li dar xistin.
Di civînê de Serokê Amedsporê Nahît Eren axivî û got:
“Me beriya niha jî dabû xuyakirin ku em ê bibin şampîyon û em dîsa dibêjin em ê bibin şampiyon. Em ji ber şikandina hêviyên alîgirên xwe lêborînê dixwazin.
Ji bo bûyerên di maça Bandirmasporê de rûdane, em bi TFFê re ketin têkiliyê û wan jî di gelek mijaran de piştgirîya me kir.
Ez dixwazim her kesê ku piştgiriya Amedsporê dike, divê di demeke kurt de li dora tîma xwe bibe yek.”
Piştre rêveberê teknikî Mesut Bakkal axivî û got:
“Hewce dikir ku em di antremanê de bûna, lê li vir in. Em dizanin dê alîgirên me di herdu maçên mayî de piştgiriyê bidin me.”
Her wiha lîstikvan jî beşdarî axaftinê bûn. Lîstikvanan bal kişand ser reşkirinên li ser medya dîjîtal tên kirin û yek bi yek soza şampîyonîyê dan û xwestin alîgir pişgirtîyê bidin wan.
