Amedspor duh di hefteya 17'an a Lîga 1'emîn a Trendyolê de bû mêvanê Bodrumsporê û maç 0-0 bi dawî bû.
Beriya destpêkirina maça Amedspor û Bodrumsporê, alîgirên tîma xwediyê malê bi keviran êrîşî alîgirên Amedsporê kirin.
Di êrîşê de Gulizar Ozdemir a ku ji Aydinê ji bo piştgiriya Amedsporê çûbû stadyumê ji serê xwe birîndar bû.
Her wiha piştî maçê jî êrîşî alîgirên Amedsporê hat kirin.
Serokê Amedsporê: Bila êrîşkar bên tespîtkirin
Di êrişê de otobusa alîgirên Amedsporê xisar dît û camên wê şikestin.
Serokê Amedsporê Nahît Eren li ser hesabê xwe yê X'ê bi peyamekê êrîş şermezar kir û daxwaza tedbîrên pêwîst û tesbîtkirina êrîşkaran kir.
Alîgirên Amedsporê gelek caran li maçên derveyî Amedê rastî êrişên nijadperest û devkî tên û pir caran temaşekirina maçên tîma wan li wan tê qedexekirin.
