Barcelonayê, duh di maça yekem a çaryekfînalê ya Lîga Şampiyonên Jinan de serkeftineke mezin li hemberî tîma mêvandar Real Madrîdê, bi 6-2 bi dest xist.
Barcelona piştî serkeftina xwe ya mezin li hemberî Real Madrîdê li ber gihîştina nîvfînala Lîga Şampiyonên Jinan e.
Golên ji bo taxima Barcelonayê hatin tomarkirin jî wiha ne:
Eva Bayor di xuleka 6 û xuleka 57'an de, Esme Bruchts di xuleka 13'an de.
Her wiha Irene Paredes di xuleka 32'an de, Vicky Lopez jî di xuleka 64'an de û Alexia Botias di xuleka 89'an de ji penaltiyê gola serkeftinê û ya dawîn tomar kir.
Di heman demê de, Linda Caicedo herdu golên Real Madrîdê di xulekên 30 û 66'an de avêtin.
Maça duyem dê roja pêncşema bê li Barcelonayê were lîstin, ku tîma malê û alîgirên wan xuya dikin ku şansek çêtir heye ku derbasî nîvfînalên tûrnûvaya parzemînî bibin.
Bayern Munich li hemberî Manchester United avantaj bi dest xist
Li aliyekî din jî Bayern Munich di maça yekem a çaryekfînalê ya Lîga Şampiyonên Jinan de bi serketina 3-2 li hember tîma xwe ya mazûvan a Manchester United serkeftinek bi dest xist.
Bayern Munich di nîvê yekem de tenê golek qezenc kir ew jî bi saya Pernille Harder di xuleka 2'an de.
Piştre lîstikvana taxima dijber Maya Le Tessier di xuleka 24'an de golek avêt û encam wekhev kir.
Lê di nîvê duyem de Pernille Harder dîsa vegeriya qadê û golek din di xuleka 71'ê de tomar kir.
Lê encam wek xwe nema ji ber ku lîstikvana taxima dijber Hanna Lundqvist di xuleka 76'an de golek avêt dîsa encam wekhev kir.
Lê lîstikvana Bayren Momoko Tanikawa di xuleka 84'an de gola 3'emîn û ya serkeftinê qezenc kir.
Maça duyem dê roja çarşemê ya bê li Munîhê were lîstin, ku Bayern li malê dilîze.
