KESK'ê meşa xwe ya ji bo kedkarên giştî yên bi KHK`an ji kar hatin durxistin di roja 4`emîn de bi banga “Dadwerî û vegera li ser kar” bi dawî kir.
KESK bi nûnerên partiyên siyasî re hevdîtin kirin
Meşê bi daxwaza Edaletê di 13`ê Cotmehê de ji Amedê ber bi Enqereyê ve destpêkiribû. Çalakvan piştî bi nûnerên Partiya Wekhevî û Demokrasiya Gelan (DEM Partî), Partiya Kedê(EMEP) û Partiya Komarî ya Gel (CHP) re hevdîtin kir daxuyanî dan.
Hevserokê Giştî yê KESK'ê Ahmet Karagoz bi Hevseroka Giştî ya DEM Partiyê Tulay Hatîmogullari, Parlamentera EMEP'ê Sevda Karaca û Alîkara Serokê Giştî yê CHP'ê Gamze Taşcier re hevdîtin kir.
Karagoz da zanîn ku di hevdîtinê de nûneran diyar kirine ku ew ê daxwazên dûrxistiyên KHK'an roja sêşemê di civîna komên xwe ya parlamenê de bînin rojevê.
Karagoz: Em bi aştî, demokrasî û kedê ve girêdayîn e
Piştî hevdîtina bi nûnerên partiyan re Karagoz axivî û got: “Bila neyê fikirîn ku ev kar îro li vir bi dawî dibe. Heta ku hemû hevalên me yên KESK'ê li erkên xwe vegerin em ê vê têkoşînê bidomînin."
Di domandina axiftinên xwe de Karagoz bal kişand ser girêdana Kedkaran a bi demokrasî û aştiyê re û got:“Ji ber ku em bi aştî, demokrasî û kedê ve girêdayî ne heta ku em aştî û demokrasiyê neynin vî welatî, em ê dev ji vê têkoşînê bernedin.”
"Em ê karê xwe paş de bistînin"
Bi heman boneyê KESK`ê li Bajarên Edene, Êlih, Agirî û Antalyayê jî bi dirûşmeyên “Em ê karê xwe paş de bistînin” çalakî li dar xist.
Di daxuyaniyan de hate gotin: “Heke desthilatdarî behsa aştiya civakî dike, divê weke gava yekem hemû kedkarên qamûyê yên ku bi awayekî bêhiqûqî ji kar hatine dûrxistin, li karên wan vegerîne.”
