Di bin dirûşmeya "Bi yekîtiya jinên Kurd, ber bi yekîtiya neteweyî ve" û bi amadebûna jimarek jin ji Kurdistan û Tirkiye, 3'emîn Konferansa “Platforma Jinên Kurd” li bajarê Amedê yê Bakurê Kurdistanê, îro bi serpereştiya Platforma Yekîtiya Jinên Kurd, dest pê kir.
Hevseroka Şaredariya Mêrdînê Devrîm Demîr axaftina destpêkê pêşkêş kir. Di nav axaftinên xwe de destnîşan kir ku ji bo jinên Kurd li hember polîtîkayên qirkirinê û parçekirina Kurdistanê têbikoşin, pêdivî bi platformek hevbeş hebû ji bo ku rêxistina xwe xurt bikin.
Paşê, sinvzyonek li ser têkoşîn û xebatên jinên Kurd ên ji destpêka dîrokê û ta niha, li hola konferansê hat pêşandan.
Tê payîn ku dê konferans 2 rojan dewam bike û li ser rewşa jinên Kurd nîqaşên zengîn werin kirin.
Ebîr Muhemed