Werzişvana Rûsî Varvara Voronchikhina roja duşemê li Cortinayê di pêşbirka super-G a jinan de wek şampiyona pileya yekem bi medalyaya zêrîn hat xelatkirin.
IPC destûr da 6 werzişvanên Rûsî ku derbasî pêşbirkê bibin
Tevî şerê berdewam ê Rûsya bi Ûkraynayê re, Komîteya Paralîmpîk a Navneteweyî (IPC) destûr da 6 werzişvanên ji Rûsya û 4 ji werzişvanên ji Belarûs ku welatên xwe, bi alên xwe yên neteweyî, temsîl bikin.
Varvara Voronchikhina piştî wergirtina madalyaya xwe ji rojnamevanan re got: "Ji bo min pir taybet e ji ber ku ev yekem Lîstikên Paralîmpîk ji min re ye û ji zarokatiya min ve xewna min bû.
Gava ez ala xwe dibînim, ew pir taybet û ecêb e."
Lîstikvana Rûsî li hemberî lîstikvana Rransî bi ser ket
Lîstikvana Rûsî ya 23 salî, di hefteya borî de piştî 12 salan cara yekem derket ser kursiyê û li hember reqîba xwe ya fransî Aurelie Richard bi cudahiya 1.96 saniye zêdetir bi ser ket.
Bi vî awayî Varvara Voronchikhina medalyaya zêr qezenc kir û di rêzê de bû yekem di heman demê de Aurelie Richard medalyaya zîv bi dest xist
Ji 2014`an û vir ve yekem car werzişvanên Rûsî bi al û sirûda xwe beşdar dibin
Ev cara yekem e ji sala 2014'an vir ve ku werzişvanên rûsî bi al û sirûda xwe ya neteweyî beşdarî Paralîmpiyadan dibin.
Di van paralîmpîkan de 6 werzişvanên rûsî di bin ala xwe ya neteweyî de pêşbaziyê dikin.
Paralîmpiyadên 2026'an ên li Mîlano û Cortina d'Ampezzo dê di 15'ê adarê de bi dawî bibin.
