Meclisa Jinan a Partiya Wekhevî û Demokrasiya Gelan ya Qersê, civînek li dar xist.
Hevseroka Giştî ya Partiya Wekhevî û Demokrasiya Gelan Tulay Hatîmogûllari di civînê de axivî.
Hevseroka Giştî ya Partiya Wekhevî û Demokrasiya Gelan Tulay Hatîmogûllari anî ziman ku li dijî şerê li Rojhilata Navîn, aştî û pêkvejiyan pêdiviyeke jiyanî ye û got:
“Rojhilata Navîn bi sedsalan e bi şeran xwîn jê diçe. Hemû ji ber şer û pevçûnan dinalin.
Hêzên emperyalîst bi dijberkirina gel û bawerî, polîtîkayên xwe yên mêtingeriya nû dimeşînin.
Em dixwazin banga birêz Ocalan a ji bo aştî û civaka demokratîk mezin bikin.
Avakirina aştiyê li Tirkiyê, dawîanîna li şer e.”
Tulay Hatîmogûllari: Jin ji bo pêvajoyê têdikoşin
Tulay Hatîmogûllari li ser pêvajoya demokrasîbûnê û bandora wê ya li ser hêviyên civakê jî wiha axivî:
"Birêz Bahçelî hewldaneke wî çêbû.
Piştre di sala borî de birêz Ocalan têkildarî çareseriya pirsgirêka Kurdî û demokrasîbûna Tirkiyê bangeke dîrokî kir.
Pêvajoyek dest pê kir.
Piştre li parlamentoyê komîsyonek hat avakirin.
Tevahiya Tirkiyê li benda girtina gavên qanûnî bû.
Lê di pêvajoyê de hinek xitimandin çêbûn.
Em jî wekî jin, ji bo derbaskirina van xitimandinan bi taybetî hewl didin."
Tulay Hatîmogûllari: Aştî wê bi hûrgilyan pêk bê
Tulay Hatîmogûllari aştî şiband bi “karê derziyê” ku bi ked û sebreke mezin tê çêkirin û wiha bi dawî kir:
“Em ê aştiyê mîna karê derziyê bi keda destan biafirînin.
Ez silavên xwe ji Dayikên Aştiyê yên laçikspî re dişînim ku tevî hemû êş û windahiyên xwe, tu carî dest ji aştiyê bernedan.
Du roj in Dayikên Aştiyê li Enqereyê li parlamentoyê bi hemû partiyan re hevdîtinan dikin û daxwaza aştiyê dikin.
Peyama dayikan ev bû ku em jin di jiyanê de her tiştî bi hûrgilî ava dikin.
Ez bawer dikim ku em ê aştiyê jî bi vê hûrgiliyê, li ser vê axê nexş bikin.
