taxeke bajarê kobanê bi baxçeyên xwe tê naskirin
Sînor ji xêr û bêra Kobanê re, di aliyê çandiniyê de tune ne. Li vê herêmê gelek dar û berhemên çandiniyê çêdibin û bi vê yekê Kobanê û gundewarê wê dibin yek ji çavkaniyên herî girîng ên peydakirina pêdiviyên girêdayî jiyana rojane ji hezarên malbatan re. Li rojhilatê bajarê Kobanê taxek heye navê wê Kaniya Kurdan e, ev tax bi baxçeyên xwe tê naskirin, bi taybetî jî bacanên reş ên ku li wir tên çandin li tevahiya herêmê deng vedaye. Dirêjahiya her libeke bacanên reş li van baxçeyên Kaniya Kurdan 65 santîmetreyan derbas dike.
