Têkiliyên di navbera Sûriyê û Libnanê de ne diyar in.
Hikûmeta Veguhêz a Sûriyê di van rojên derbasbûyî de, li sînorê Sûriye û Libnanê bendên kontrolê, şêwazên xwe hişk kirine.
Di vê çarçoveyê de, Desteya Giştî ya Bender û Gumrikê bi daxuyaniyekê ragihnd ku wan erebeyên ku tê de bombe hebûn, girtin.
Desteyê diyar kir ku ev erebe ber bi Libnanê bi rê ketibû û li benda kontrolê ya li ser sînorê Sûryê-Libnanê ve hate girtin.
Li gorî jêderê, di çend erebeyan de, 226 bombeyên ji cureya RGC hatin desteserkirin.
Beriya çend rojan jî, Desteya Giştî ya Bender û Gumrikê li ser sînorê Sûryê-Îraqê jî erebeyek desteser kiribû.
Desteya Giştî ya Bender û Gumrikê ya Hikûmeta Veguhêz a Sûriyê li ser mijarê, ev daxuyanî dabû:
"Me li ser sînorê Sûriyê û Îraqê erebeyek girt.
Di vê erebeyê de, bi dehan ji dron, bome û mûşekan hatin desteserkirin.
Ev erebe bi riya Sûriyê, hewl da ku bigihêje milîsên Hizbullahê yên li Libnanê."
Ya balkêş di vê daxuyaniyê de ew e ku Hikûmeta Veguhêz navê milîsan li Hizbullahê kir.
Beriya niha gelek caran serokê Amerîkayê Donald Trump diyar kiribû ku Sûriyê dikare tevlî şerê Libnan û Îsraîlê bibe.
Bi gotina wî, Ehmed Şera bi şêwazê xwe û bêyî hilweşîna avahiyên pirqatî dikare pirsgirêka Hizbullahê çareser bike.
Li gorî çavdêran, dibe ku di demên pêş de, Ehmed Şera li Libnanê şerê Hizbullahê bike.
