Wezaretê destnîşan kir ku ev bombebarankirin li ser ewlehiya Sûriyê û aramiya herêmê xeterî ye. Her wiha Nûnerê Taybet ê Amerîkayê yê ji bo Sûriyê û Iraqê Thomas Barak metirsiya Whashington ji bombebarana Îsraîl a baregeha Ebû El Zihûr anî ziman û got: `Ev bombebaran ne Lazim bû.`
Kenala El Ixbariyê ya Sûriyê li ser agahiyên çavkaniyeke leşkerî got roja sêşemê hêzên Îsraîlê 8 caran baregeha leşkerî ya bakur û rojavayê Sûriyê bombebaran kiriye. Çavkaniyên leşkerî û sivîl ên nêzî baregehê bûn gotin birîndar û kuştî nînin.
Reuters got baregeha Ebû El Zihûr nêzî 70 km ji sînorê Tirkiyê dûr e û ji sala 2013`an ve weke balafirgeheke leşkerî ji xizmetê derketiye. Di raporeke çavkaniyeke leşkerî hat gotin ku dawiya 2024`an piştî sîstema Baas hilweşiya ji bo perwerdekirina leşkerên artêşa Sûriyê hatiye bikaranîn.
Wezareta Karên Derve ya hikûmeta Veguhêz ya Sûriyê di daxuyaniyekê de got êrîşên Sûriyê ji 8`ê kanûna 2024`an li ser Sûriyê didome û dibe di encama van êrîşan de ne aramî li herêmê çêbe.
Her wiha wezaretê Îsraîl berpirsyar nîşan da û bang li civaka navneteweyî kir ku êrîşa Îsraîl li ser baregeha Ebû El Zihûr şermezar bike.
