Çavkaniyên pizîşkî ji Kompleksa Bijîşkî ya Şîfayê ragihandin ku cenazeyên 5 kuştiyan û hejmarek birîndar gihîştine nexweşxaneyê ku di nav wan de birîndarên rewşa wan giran jî hene. Li gorî çavkaniyan, qurbanî çar jin û mêrek in. Heman çavkaniyên herêmî û şahidên bûyerê diyar kirin ku hinek ji qurbaniyan ji pêkhateya Xiristiyan a deverê ne, di nav wan de dayik û keçek hene.
Şahidên çavdêr dan zanîn ku êrîşê qata yekem a avahiya "Al-Asala" ya li nêzî çerxerêya Neteweyên Yekbûyî kir armanc û zirarên mezin gihandin qatên jêrê.
Hêza teqînê bû sedema çêbûna çaleke mezin û şewatekê di avahiyê de, di heman demê de tîmên parastina sivîl û ambulansan xebatên lêgerînê di bin kavilan de berdewam kirin.
Ji aliyê xwe ve, artêşa Îsraîlê tu daxuyanî derbarê vê êrîşê an armanca wê de nedan.
Ev êrîş di demekê de tê ku tevî agirbesta ragihandî ya meha Cotmeha 2025'an, derbên Îsraîlê li ser deverên cuda yên sektora Xezeyê berdewam dikin.
