ژنانی کورد لە شارى بێنشایمی ئەڵمانیا کەمپی مەشق و ڕاهێنانیان کردەوە و تێیدا بەشدارییان لە وانەکانی مەشق و ڕاهێنان لەسەر چەند پرسێکى جیاواز کرد .
لە میانى بەڕێوەچوونى کامپینەکەدا منداڵەکان بە یاری و چالاکی جۆراوجۆر لەژێر ڕێنمایی تیمێک لە مامۆستایان چاودێرى دەکران و لەبارەى چەند بابەتێکەوە ڕێنماییان پێدرا.
ژنان لە چالاکیەکەدا بە وردی باسیان لەو ڕۆڵانە کرد کە مۆدێرنێتەى سەرمایەداری بە ژنان و منداڵانى دەدات لە کۆمەڵگادا، هەروەها ئەو ڕۆڵە کۆمەڵایەتییەی کە سیستەمی پیاوسالاری بەسەر ژناندا دەیسەپێنێت.
ئاماژەبەوەشکرا، لە گفتوگۆکاندا جەخت لەوە کرایەوە کە بنەڕەتیترین هێز کە دەتوانێت کۆمەڵگا و هاوپشتی کۆمەڵایەتی لە بەرامبەر ئەم دۆخەدا بپارێزێت، چەمکی کۆمۆن و کۆمۆنیزمە.
هاوکات، جگە لەوەش باس لەوە کرا کە مۆدێلێکی نوێی ڕێکخراوەیی لە چوارچێوەى ڕۆڵى دایک دەتوانێت چارەسەر و ڕێگایەک بێت بۆ دەربازبوون لە کێشە کۆمەڵایەتییەکان.