مەسعود پزیشکیان، سەرۆککۆماری ئێران، لە چاوپێکەوتنێکی تەلەڤزیۆنیدا هۆشداری دا کە وڵاتەکە لە دۆخی جەنگدایە و بەهۆی گەمارۆ ئابوورییەکانەوە هەناردە و هاوردەکردن لە سەدا ٢٥ بۆ ٣٥ کەمی کردووە و ڕێڕەوە بازرگانییەکان داخراون.
ناوبراو داوای لە بەرپرسان و هاووڵاتییان کرد دۆخەکە بە هەند وەربگرن، چونکە ئەم قەیرانە بووەتە هۆی بەرزبوونەوەی نرخەکان و کەمبوونەوەی کاڵا سەرەکییەکان.
سەبارەت بە دۆخی ناوخۆیی و سوتەمەنی، پزیشکیان ئاشکرای کرد کە نرخی پشکی سێیەمی بەنزین بۆ ئۆتۆمبێلەکان لە پێنج هەزار تمەنەوە بۆ ١٠ هەزار تمەن بۆ هەر لیترێک بەرز دەبێتەوە.