هاوسەرۆکی لیژنەی کۆمەڵایەتی عەفرین ڕایگەیاند، تا ئێستا هۆکاری دواخستنی گەڕانەوەی ئاوارەکان بۆ زێدى خۆیان بە فەرمی ڕانەگەیەندراوە، بەڵام دوایی جەژنى ڕەمەزان پڕۆسەکە دەستپێدەکاتەوە .
گەڕانەوەى گروپی دووەمی ئاوارەکان بۆ عەفرین کە بڕیار بوو لە ڕۆژى ١٢ی ئازاری ئەمساڵ ئەنجام بدرێت، بە هۆکارێکی نادیار ڕاگیرا.
لەوبارەوە ئیبراهیم هێفتارۆ هاوسەرۆکی لیژنەی کۆمەڵایەتی عەفرین ڕایگەیاندووە: 200 خێزانییان بۆ گەڕانەوە بۆ زێدى خۆیان لەسنورى عەفرین ئامادەکردووە، بەڵام لێژنەی بەرپرس لەم پرسەی گەڕانەوەى ئەو خێزانانەى ڕاگرتووە.
گوتیشى: تا ئێستا هۆکاری دواخستنی گەڕانەوەی ئاوارەکان بۆ زێدى خۆیان بە فەرمی ڕانەگەیەندراوە، بەڵام دوایی جەژنى ڕەمەزان پڕۆسەکە دەستپێدەکاتەوە .
باسى لەوەشکرد: داوا لە هاوڵاتیانى عەفرین دەکەم بگەڕێنەوە بۆ زێدى خۆیان، چونکە دەبێت عەفرینێکی نوێ و ڕۆژێکی نوێ پێکەوە بنیات بنێین.