پارێزگاری هەولێر رایگەیاند، زۆر بە داخەوە ماوەی چەند رۆژێکە هەولێر لەلایەن گروپە لە یاسادەرچووەکان کراوەتە ئامانج، ئەمەش رووی راستەقینەی تیرۆرستانی نیشاندا .
ئومێد خۆشناو لە ڕاگەیەنراوێکدا گوتیشی، هەولێر بەشێک نییە لە ململانێیەکان و هەرێمی کوردستان لە سەنگەری ئاشتی و لە هەوڵی ئاشتیخوازانەدا بووە لە تەواوی ناوچەکە.
جەختی لەوەشکردەوە، حکومەتی عێراقی لەو پرسە هەستیارە بەرپرسیارە و پێویستە لە زووترین کات هەڵوێستی کردارەکی وەربگرێ .
پارێزگاری هەولێر بە توندی سەرکۆنەی ئەو کارە چەپەڵ و تیرۆرستیانە دەکەین، کە هاوڵاتیانی مەدەنی بکرێنە ئامانج، حکومەتی هەرێمی کوردستانیش لە بەرزترین ئاستی بەرپرسیاریەتی پارێزگاری لە خاک و خەڵکی هەرێمی کوردستان دەکات.