وەزارەتی ڕۆشنبیریی و لاوانی هەرێمی کوردستان داواده‌كات کەناڵەکانی ڕاگەیاندن دووربن لە بڵاوکردنەوەی ڕاپۆرت و وێنە و ڤیدیۆی ساختە کە هۆکاربێت بۆ دروستکردنی ترس و دڵەراوکێ لە ناو هاوڵاتییاندا.
بەگوێرەی ڕاگەیەندراوەکە، پێویستە گشت میدیا بینراو و بیستراو و پۆرتاڵ و ڕایەڵە ئەلیکترۆنییەکان، خۆیان بەدوور بگرن لە بڵاوکردنەوەی هەر بابەتێک کە دژی بەرژەوەندیی هەرێمی کوردستان و دروستکردنی ترس و گومان بێت لەسەر سەقامگیری هەرێمەکەمان.
ئەوەشهاتووە، داواکارین میدیاکان دووربن لە بڵاوکردنەوەی هەر ڕاپۆرت و وێنە و ڤیدیۆیەکی ساختە و بێ بنەما کە هۆکاربێت بۆ دروستکردنی ترس و تۆقاندن و دڵەراوکێ لە نێوان هاوڵاتییان.
وه‌زاره‌تی رۆشنبیری به پێویستی ده‌زانێت، میدیاکان لەکاتی گواستنەوە و ڕووماڵی ڕووداوەکان زانیارییەک نەگوازنەوە نەیارانی هەرێمی کوردستان سوودی لێببینن و پابەندی ئەو ئیتیک و ڕێکارانە بن کە بۆ ڕاگەیاندنی جەنگ و ڕووداوەکان دەرکراوە.