وەزارەتی تەندروستیی حکومەتی هەرێمی کوردستان سیستەمی بانکی خوێنی لە هەولێر کردە دیجیتاڵی، بەمەش پرۆسەی بەخشینی خوێن بە بێ ڕۆتین و بە خێراییەکی زۆرتر بەڕێوە دەچێت بۆ دابینکردنی پێداویستییە بەپەلەکانی نەخۆشخانەکان، تووشبووانی تالاسیمیا و شێرپەنجە.
بەپێی ڕاگەیەنراوی وەزارەتی تەندروستی، ڕۆژانە لە نێوان ٢٠٠ بۆ ٢٤٠ هاووڵاتی سەردانی سەنتەری بانکی خوێن لە هەولێر دەکەن و ڕۆژانە ٩٠ بۆ ١٢٠ بوتڵ خوێن ڕەوانەی نەخۆشخانەکان دەکرێت؛ لەوانەش سەنتەری تالاسیمیا کە ڕۆژانە پێویستی بە ٥٠ بۆ ٦٠ بوتڵ هەەیە، نەخۆشخانەی نانەکەلی کە ٢٠ بۆ ٤٠ بوتڵ و بەشەکانی گورچیلەی دەستکردیش کە ١٠ بۆ ٢٠ بوتڵ خوێنیان بۆ دابین دەکرێت.
دیجیتاڵکردنی ئەم سیستەمە هاوکارێکی سەرەکی دەبێت بۆ کەمکردنەوەی ڕۆتین و خێراکردنی خزمەتگوزارییە تەندروستییەکان.